| تَش گُلِس مينِ دِ لوُمْ / باد وَش گرفت زوُر |
اَ داغِت لوُمْ زنهَ / هيچ نَمبوُوهَ كوُر |
| نَمروُوي اَ خاطرمْ / مهرت كُنوُمْ سَرد |
لِف كَبوُتَر توُو كُنوُمْ / شوُ اَ وِرِ دَرد |
| مِبينا هَمچُو خواري / داغِ برارِش |
مَبُرهَ بَرِش خدا / گِرهَ سُراغِش |
| نَمگرهَ آروُمْ دِلوُمْ / طاقت ندارهَ |
پيش كي وازِش كُنوُمْ / كه سَر دِرارهَ |
| رَفتنِت داغي بِسهَ / مين كُلِ جوُنوُمْ |
بِسوُزهَ لِف تنيري / مين اُستخوُنوُمْ |
| آسموُ ايي دِلموُ / هِي غَمْ ببارهَ |
لِف زمين شوُرهَ زار / هِي بي بهارهَ |
| شوُ اوُمهَ توُو وَندهَ وَمْ / تا سِحَر بيارُمْ |
چه وِري دِلوُمْ كُنوُمْ / چارهَ ندارُمْ |
| خواروُنِت چيكِ زِنِن / پِلان بُريدِن |
هَر چي غَمْ مينِ دُنيا/ وَرجوُن خريدِن |
| مَكُنيت مَنعِ دِلوُمْ / هِليم گريووُمْ |
دَردِ دلْ پي خوُمْ گوُومْ/بَلكوُمْ فريووُمْ |
| هَر وَقتي فَهمُومْ / هَمْ نوُمْ توُ نوُمي |
دَسِمهَ ديوار گِروُمْ / موُنوُمْ يهَ دِموُني
|
| نَمِيا يي بينوُمِت / وَمْ نَمزني سَر |
ندوُنوُمْ دِلگير بيسيهَ / يا كوُر دِيهَ قَر |
